БИШКЕК, 12-апр. — Sputnik. Түркия президенти Режеп Тайип Эрдоган немис журналисти Ян Бемерменнды сотко берди. Бул тууралуу РИА Новости Рейтер басылмасына таянуу менен жазып чыкты.
Маалыматка ылайык, 31-марта ZDF телеканалынын алып баруучусу Ян Бемерманн "Neo Magazin Royale" программасынын эфиринде түрк лидерин кемсинткен ыр окуган. Мындан улам түрк өкмөтү Германияга аталган журналист боюнча кылмыш ишин козгоого нота жиберген.
Түркия президенти өзүнө айтылган сын-пикирди жакшы кабыл ала албагандыгы менен белгилүү. Учурда президентке карата акарат келтирди делген 1845 жаранды жазага тартуу боюнча тергөө иштер жүрүп жатат. Түркияда президентти кемсинткендерге атайын мыйзам каралаган. Ага ылайык, өлкө башчысын мазактагандарга айып салынып, же бир жылдан төрт жылга чейин эркинен ажыратуу каралган.
