БИШКЕК, 11-апр. — Sputnik. Акыйкатчы Кубат Оторбаев Улуттук коопсуздук мамлекеттик комитетинин алдындагы убактылуу кармоо жайында жаза өтөп жаткандардын абалы менен таанышты. Бул тууралуу аталган институттун маалымат кызматы билдирди.
29 Жалган Куран 2016, 20:04
Акыйкатчы президенттин мурунку аппарат жетекчилери Данияр Нарынбаев, Каныбек Жороев, мурунку баш прокурор Нурлан Турсункулов, өкмөт башчынын мурунку аппарат жетекчиси Алтынбек Муралиев, "Альфа-Телеком" ишканасынын мүдүрүнүн мурунку кеңешчиси Алмазбек Абеков, Жалал-Абад облусунун мурунку губернатору Бектур Асанов, мурунку ички иштер министринин орун басары Кубанычбек Кадыров, коомдук ишмер Эрнест Карыбеков, экс-депутат Максат Кунакуновдор менен жолукту.
Анда Бектур Асанов, Кубанычбек Кадыров, Эрнест Карыбеков жана Максат Кунакуновдор коюлган күнөөлөрдү моюнга албай тургандыктарын айтышкан.
Иш-чарадан кийин Оторбаев билдирүү таратып, убактылуу кармоочу жайда кармалып жаткандарды кыйноо, уруп-сабоо болбогонун, аларга кызматкерлер татыктуу мамиле жасап жатканын айткан.
Мындан сырткары, акыйкатчы аталган жайда медициналык кароо талапка жооп бербей турганын, дары-дармек менен камсыз кылуу маселесин чечүү зарылдыгын белгиледи.
