БИШКЕК, 6-апр. — Sputnik. Үй-бүлөсү менен чатакташты делген киши асынып өлүүгө аракет кылганын Тез жардам кызматынын кайра жандандыруу бөлүмүнүн башчысы Егор Борисов билдирди.
"Саат 14.32лер чамасында Бишкек шаарындагы 5-кичи районунда өзүн өлтүрүүгө аракет кылган киши тууралуу билдирүү түшкөн. Окуя болгон жерге барган дарыгерлер киши үй-бүлөсү менен урушкандан кийин асынып өлүүгө аракет кылганын аныкташкан", — дейт ал.
Жабыр тарткан жаранга медициналык жардам көрсөтүлүп, ал Улуттук госпиталга жаткырылды.
Белгилей кетсек, жекшемби күнү Бишкек шаарынан 15 жаштагы өспүрүм асынып өлүүгө аракет кылган. Аны Тез жардам дарыгерлери куткарып калган. Өспүрүмдүн абалы азыркыга чейин оор экенин Тез жардам кызматынан кошумчалашты.
