Бул оюн Кыргызстандын курама командасы Дүйнөлүк чемпионаттын тандоо раунддарындагы акыркы оюну болчу. Оюн Душанбе шаарындагы "Центральный" стадионунда өттү.
Оюндагы алгачкы жана акыркы голду Виталий Люкс биринчи таймдын 18-мүнөтүндө киргизди.
Таймаштын жүрүшүндө тажикстандык оюнчулар топко көп ээлик кылганы менен андан майнап чыккан жок.
Бул беттешүүдө кыргызстандык оюнчулар кызыл форма кийишсе, тажикстандыктар ак форма менен ойношту. Ага өзбекстандык калыстар көз салышты.
Кыргызстандын курама командасы "В" тайпасында ишенимдүү түрдө үчүнчү орунду ээледи. Азыркы оюн бул жыйынтыкка эч кандай таасир бербейт. КР курамасы дүйнөлүк чемпионаттын кийинки раунддарына чыгуу мүмкүнчүлүгүн колдон чыгарган. Бирок, 2019-жылы Азия чемпионатынын квалификациялык раунддарына чыгууга шансы бар.
Тажикстандын курама командасынын баштапкы курамы
Кыргызстандын курама командасынын баштапкы курамы. Арткы катарда (солдон оңду карай): Байматов, Майер, Люкс, Дүйшөбеков, Матяш, Тэго. Алдыңкы (солдон оңду карай): Бернхардт, Землянухин, Исраилов, Мусабеков, Кичин
Кыргызстандык күйөрмандар. Алар ат арытып дал ушул беттеште футболчуларды колдоо үчүн келишкен
Тажикстандык футболчулардын бир нече жолу гол киргизгенге мүмкүнчүлүгү болду
Кыргызстандык футболчулар жакшы коргоно алышты
Биринчи таймдын 18-мүнөтүндө Виталий Люкс эсепти ачты
Эсепти теңөөгө тажикстандык оюнчулар аябай аракет кылышты
Дарбазачы Павел Матяш КР курама командасын бир канча жолу сактап калды. Ал дарбазага катары менен тебилген топту тосуп калды
Кыргызстандык оюнчулардын контрчабуулу. Сүрөттө Азамат Байматов (7), Эдгар Бернхардт (23) жана Антон Землянухин (22)
Оюндун 50-мүнөтүндө тажикстандыктар атаандашынын дарбазасына топ тепкени менен ал оффсайддан кирип, эсептелген жок
Кыргызстандык оюнчулар Душанбе шаарында өткөн бул беттеште жеңишке жетти
