БИШКЕК, 29-мар. — Sputnik. Россия жаранына мыйзамсыз паспорт берген Свердлов районунун паспорт-виза жана каттоо бөлүмүнүн кызматкерлерине кылмыш иши козголгонун Башкы прокуратура билдирди.
Маалыматка ылайык, Бишкектин "Орто-Сай" базарында дары-дармектерди мыйзамсыз сатуу менен алектенип келген жеке ишкер кармалган. Текшерүү маалында аталган жаран 1974-жылкы паспортунун жоголуп кеткенине байланыштуу 2013-жылы Свердлов районунун паспорт столунан документ берилген.
Бул факты боюнча Свердлов районунун паспорт-виза жана каттоо бөлүмүнүн кызматкерлерине карата Кылмыш жаза кодексинин 304 (Кызмат абалынан кыянаттык менен пайдалануу), 315 (Документтерди жасалмалоо) жана 315-1 (КРнын паспортун мыйзамсыз берүү, документке жалган маалымат киргизүү) беренелеринин негизинде кылмыш иши козголду.
Учурда тергөө амалдары жүрүп жатат.
