БИШКЕК, 27-мар. — Sputnik. Бийлик күч менен басып алууну пландаган деп шектелген оппозиционер Дуулатбек Турдуналиев издөөгө алынганын УКМКнын маалымат кызматы билдирди.
Турдуналиев апрель окуясынын баатыры.
27 Жалган Куран 2016, 16:16
21-мартта Интернетте Кубанычбек Кадыров, Дуулатбек Турдуналиев менен Бектур Асановдун бийликти басып алууну пландап жатат деген сүйлөшүсү тараган. Видеодо алар бийликти басып алуунун жолдорун жана акчаны бөлүштүрүүнү талкуулашкан. Оппозициянын өкүлдөрү аталган видео монтаж экенин билдиришкен.
24-мартта Кубанычбек Кадыров менен Бектур Асанов УКМКнын кызматкерлери тарабынан кармалган. Алардын баш коргоо чарасын караган Биринчи Май райондук соту 12-майга чейин камакка алуу чечимин чыгарды.
Андан кийин УКМК Эрнес Карыбековду дагы бийликти басып алууга шектүү катары кармаган. Сот дагы аны 12-майга чейин камакка алуу чечимин чыгарган.
