БИШКЕК, 25-мар. — Sputnik. Жалал-Абад облусунда "Кыргызжернефтегаз" ишканасы уруксат берилбеген убакытта ишмердүүлүк жүргүзүп, 4,5 миллион сомдон ашуун мыйзамсыз кирешеге ээ болгон. Бул тууралуу Финансы полициясы билдирди.
27 Үчтүн айы 2016, 10:08
Маалыматка ылайык, эски скважиналарды капиталдык ремонттон өткөрүп, чийки нефть өндүрүү менен алектенип келген компания 2013-жылдан бери иштеп келген.
Бирок аталган мекеме казуу иштерин жүргүзүүгө Геология агенттигинен 2014-жылдын ноябрь айында гана расмий уруксат алган. Буга чейин деле иштеп келген ишкана 4 миллион 576 миң 915 сом өлчөмүндө мыйзамсыз кирешеге ээ болгон.
Бул боюнча кылмыш иши козголуп, тергөө амалдары башталды.
