БИШКЕК, 24-мар. — Sputnik. Алмалуу-Булак айылы кооптуу аймак болгондуктан жергиликтүү жашоочуларды көчүрүү боюнча 1994-жылдан 2015-жылга чейин 78 үй-бүлө мамлекет тарабынан ссудаларын жана жер тилкелерин алышкан. Бирок беш гана үй-бүлө көчкөн. 73 үй-бүлө бүгүнкү күнгө чейин көчпөй, мыйзамсыз жашап келе жатат. Бул тууралуу ӨКМ билдирди.
Суу каптоо коркунучунун алдын алуу аракеттери көрүлүп, бир эксковатор, бир жүктөгүч тартылды. Электр энергиясын калыбына келтирүү иштери жер көчкү тазаланып бүткөндөн кийин жүргүзүлөт.
Министрликтин Жалал-Абад облустук башкармалыгы тарабынан жергиликтүү бийликтерге кооптуу аймакта жашап жаткан жарандарды көчүрүп чыгаруу кетүү боюнча жыл сайын атайын-эскертмелер берилип, жашоочуларга түшүндүрүү иштери жүргүзүлүп келет.
