БИШКЕК, 23-мар. — Sputnik. Орус-кыргыз өнүктүрүү фонду айыл чарбасы үчүн насыя берүүгө кошумча 10 миллиард сом бөлүп бериши керектигин президент Алмазбек Атамбаев аталган фонддун жетекчиси Кубанычбек Кулматовду кабыл алуу учурунда билдирди.
Маалыматка ылайык, өлкө башчы экономиканын бардык тармагын жандандыруу, өлкөнүн экспорттук потенциалын жогорулатуу жана евразиялык интеграциянын шартына көнүү жаатында фонд жакын арада толук кандуу ишин башташы керек экенин белгиледи.
Президенттин айтымында, жергиликтүү ишкерлердин арзан жана узак мөөнөттүү насыя алуусу өлкөнүн өнүгүүсүнө өбөлгө болот.
Мындан улам Атамбаев Кулматовго жакынкы айларда айыл чарбасы үчүн насыя берүүгө кошумча 10 миллиард сом бөлүп берүүнү тапшырды.
