БИШКЕК, 22-мар. — Sputnik. Социалдык тармактарда жайгаштырылган "оппозициянын сүйлөшүүсү" тууралуу аудио текшерилип жатканын Sputnik Кыргызстан агенттигине УКМК билдирди.
Эскерте кетсек, 21-март күнү Интернет айдыңында аудио пайда болуп, анда Кубанычбек Кадыров, Дуулатбек Турдуналиев жана Бектур Асанов болушу мүмкүн делген оппозиционерлер бийликти басып алуу, аймактарда баш аламандык уюштуруу жана акча бөлүштүрүү тууралуу сүйлөшүп жаткандыгы жазылып алынган.
Аталган оппозиционерлер аталган видеону монтаж деп аташты.
Эми эксперттер аудионун аныктыгын текшерип, анда бийликти басып алуу, аймактарда баш аламандык уюштурууга чакырыктардын бар-жогун аныктап чыгышы керек.
ИИМдин маалымат кызматы видеоролик адистер тарабынан текшерилип жатканын тастыктады.
