БИШКЕК, 19-мар. — Sputnik. Грек-рим күрөшү боюнча балбан Мурат Рамонов 130 килограмм салмак категориясы боюнча беттешип, күмүш медалга татыды.
Эркин, грек-рим жана кыз-келиндер арасында күрөш боюнча лицензиялык эл аралык турнир Казакстандын Астана (Казакстан) шаарында өтүп, ага Кыргызстандан 17 балбан катышты.
19 Жалган Куран 2016, 15:27
Финалдык беттеште кыргызстандык балбан казакстандык Нурмахан Тыналиев менен беттешип, ага 8:0 эсебинде утулуп калды.
Турнирдин регламенти боюнча финалга чыккан спортчуларга дароо Олимпиадалык жолдомо берилет. Буга чейин Рамоновдон башка дагы үч балбан жолдомо алган.
Астанадагы турнирге чейин кыргызстандык Дарья Маслова, Юлия Андреева жана Мария Коробицкая (бардыгы жеңил атлетчи), ошондой эле, грек-рим күрөшү боюнча балбан Арсен Эралиев лицензия алышкан.
