БИШКЕК, 18-мар. — Sputnik. Грек-рим күрөшү боюнча балбан Жанарбек Кенжеев 2016-жылы Рио-де-Жанейро шаарында өтө турчу Олимпиадага лицензия утуп алды.
Эркин, грек-рим жана кыз-келиндер арасында күрөш боюнча лицензиялык эл аралык турнир Астана шаарында өтүүдө. Ага Кыргызстандан 17 спортчу катышууда.
Финалдык кармашта ал Кытайдан келген атаандашы менен беттешет. Акыркы оюндун жыйынтыгына карабастан ал 2016-жылы боло турчу Олимпиадалык оюндарга катышуу үчүн лицензия алат.
Жайкы Олимпиадалык оюндар 5-августтан 21-августка чейин Бразилиянын Рио-де-Жанейро шаарында өтөт. Анда спорттун 28 түрү боюнча 306 комплект медаль ойнотулат.
Кыргызстандан бул оюндарга Дарья Маслова, Юлия Андреева жана Мария Коробицкая (бардыгы жеңил атлетчи), ошондой эле, грек-рим күрөшү боюнча балбан Арсен Эралиев лицензия алышкан.
