БИШКЕК, 17-мар — Sputnik. Бишкекте бүгүн алыш боюнча эл аралык турнир башталып, ага 14 мамлекеттин спортчулары келе турганын тастыктаган.
Жогорку Кеңештин мурунку депутаты жана Алыш федерациясынын экс-президенти Баяман Эркинбаевдин элесине арналган турнир Каба уулу Кожомкул атындагы Спорт ордосунда саат 10.00дө башталат. Мелдештин салтанаттуу ачылыш аземи саат 12.00гө белгиленген.
Мамлекеттик жаштар иши, дене тарбия жана спорт агенттигинин маалыматы боюнча 14 мамлекет — Казакстан, Өзбекстан, Тажикстан, Түркмөнстан, Украина, Белоруссия, Грузия, Молдова, Иран, Россия, Пакистан, Түркия, Нидерланд жана Кыргызстандын спортчулары күч сынашат.
Кыргызстандын улуттук оюндар боюнча дирекциясы аталган мелдешке 1 миллион 615 миң сом бөлүп берди.
