БИШКЕК, 16-мар — Sputnik. Билим берүү жана илим министрлиги мектеп окуучулары толук түрдө планшет менен 2025-жылы гана камсыздалып бүтө турганын тастыктады.
Билим берүү жана илим министрлиги быйыл өлкөдөгү 1000 мектеп Интернетке туташарын белгилейт. Мындан тышкары, жылдын экинчи жарымында 500дөн ашуун компьютер сатып алуу, мектептерди жана билим берүү санарип ТВ каналдарын атайы жабдуу менен камсыздоо каралганын маалымдады.
"Мектептерди техникалык жаңылоо жана окуучуларды планшет менен камсыздоо этап-этап менен жүрөт. Биринчи жылы ар бир райондун пилоттук класстардын окуучуларына берилет. Мында ал мектепке информатика жана STEM предметтеринин канчалык деңгээлде окутулганы эске алынат. Кийинки жылдары мындай пилоттук класстар көбөйө берет", — деп айтылат билдирүүдө.
Муну менен министрлик мектеп окуучулары планшет менен толук кандуу 2025-жылы гана камсыздала турганын белгилейт.
