БИШКЕК, 4-мар. — Sputnik. Президенттин алдындагы башкаруу академиясында "Донор күнү" акциясы башталды. Бул тууралуу аталган академиядан билдирди.
Иш-чара Республикалык кан борборунун 10 даарыгерден турган атайын бригадасы аркылуу өтөт.
Адистер кан алуу менен кошо, донордун канынын тобун, гемоглабиндин деңгээлин, кан басымын аныкташат.
Кан тапшырууну каалагандарды таттуу чай менен шоколад күтүп турат.
"Мен биринчи жолу кан тапшырып жатам. Бул кадамым балким бирөөнү сактап калаар", — дейт биринчи курстун студенти Ренат Жусупов.
Дүйнөлүк саламаттык сактоо уюмунун стандарты боюнча 1000 адамдын 40ы донор болушу керек. Ал эми Кыргызстанда бул көрсөткүч болгону алты кишини түзөт.
