БИШКЕК, 3-мар. — Sputnik. Дүйнөлүк футбол ассоциациясынын февраль айындагы рейтинги боюнча Кыргызстандын курама командасы тизмедеги өзүнүн ордун сактап, 105-сапта калды.
Команда январь айынын жыйынтыгы менен да ушундай эле көрсөткүчкө ээ болгон. Февраль айында команда расмий оюндарды өткөргөн эмес.
Айдын мыкты командасы болуп рейтингде жети орунга жогорулаган Армениянын тобу аталды. Ал эми 15 сапка төмөн түшүп кеткен Сан-Томе менен Принсипинин командасы эң начар болуп калды.
Тизменин алдыңкы үч сабын ээлеген командалар өзгөргөн жок — Бельгия, Аргентина жана Испания.
105-орун — азырынча кыргызстандык команданын тарыхындагы мыкты жетишкендик болуп саналат.
