БИШКЕК, 3-мар. — Sputnik. Sputnik.Пикирлер сурамжылоосунун маалыматы боюнча америкалыктардын 80 пайызы Сириядагы "Ислам мамлекети" террористик топко каршы күрөшүүдө АКШны негизги күч деп эсептей турганы белгилүү болду.
Бул өнөктүктө Европанын ролу чоң деп эсептегендер Германияда 8 пайызды түзсө, Россияда 25, Улуу Британияда 29 жана Францияда 36 пайызды түзөт.
АКШ менен Улуу Британияда сурамжылоо 2016-жылдын 3-4-февраль күндөрү Populus изилдөө компаниясы, Германияда 4-8-февраль күндөрү Forsa, ал эми Францияда 3-5-февраль күндөрү IFop компаниялары тарабынан жүргүзүлгөн. Ага жалпы жонунан Улуу Британияда 1047, АКШда 1004, Германияда 1002 жана Францияда 1499 адам катышкан.
Францияда АКШны атагандар 32, Франция дегендер 29 жана Россияны айткандар 23 пайызды түздү. Сурамжылоого катышкан француздардын эки пайызы бул жагдайда Түркиянын ролу чоң деп эсептейт. Британиялыктардын 59 пайызы АКШ десе, Англияга 52, Франция 39 жана Россияга 37 пайызы ыктаган.
АКШ, Франция, Улуу Британия жана РФ Коргоо министрликтеринин 2016-жылдын февраль айына болгон маалыматы боюнча жыл башынан бери ИМге каршы Россия 7725, АКШ 3267, Улуу Британия 33, ал эми Франция беш ирет авиасокку жасаган.
Коомдук пикирди изилдөө боюнча эл аралык долбоор 2015-жылдын январында башталган. Долбоордун өнөктөшү белгилүү Populus, Forsa жана Ifop изилдөө компаниялары болду. "Sputnik. Пикирлер" долбоорунун алкагында Европа жана АКШ өлкөлөрүндө маанилүү социалдык жана саясий маселелер боюнча сурамжылоолор үзгүлтүксүз жүргүзүлөт.
Sputnik (sputniknews.com) — ондогон өлкөлөрдө мультимедиялык маалыматтык хабдарга ээ маалымат агенттиги жана радио. Sputnik өзүнө сайттарды, аналогдук жана санарип радиоберүү, социалдык тармактарда баракчаларды камтыйт. Sputnik маалымат түрмөгүнө жазылгандар үчүн англис араб, испан жана кытай тилдеринде кабарлар күнү-түнү жаңыланып турат.
