БИШКЕК, 1-мар. — Sputnik. Ош менен Тажикстандын Хорог аймагын байланыштырган унаа жолу National Geographic журналынын баасы боюнча дүйнөнүн ажайып кооз 10 жол тизмесинин экинчи сабын ээледи.
Ош, Хорог жана Душанбе шаарларын бириктирген магистраль АКШнын Далтон — Хайвей трассасын артка таштап, өзүнөн мурун Франциянын Вердон капчыгайындагы жолду гана чыгарган.
"Саякатчыларды ар убак Европанын эң түндүк аймагы, Россиянын эң батыш точкасы, эң бийик чоку, эң терең суу сыяктуу "эң" деген нерсе кызыктырып келет. Памир жолу ошолордун катарына кирет. Бул мурунку СССрдин аймагындагы эң бийик тоолуу жол эмеспи", — дейт басылма.
Толугу менен шагыл төшөлгөн трасса Памирдин үч башкы ашууларын басып өтөт — Талдык (3615 м), Кызыл-Арт (4280 м) жана Ак байтал (4655 м). Ош — Хорог жолу 1931-34-жылдары курулган.
Аталган жолдон тышкары журналдын тизмесине россиядагы Чүй жолу, Кытайдагы ири чептин жанындагы жол, Австралиядагы Улуу океан жолу, Аргентинадагы 40 трассасы жана Норвегиядагы Атлантика жолу кирген.
