БИШКЕК, 27-фев. — Sputnik. Бүгүн, ишемби күнү бишкек мэри шайланат.
Мурунку шаар башчысы Кубанычбек Кулматовдун отставкасынан кийин мэрликке жалгыз талапкер болуп Албек Ибраимов катталды. Ал Бишкек шаардык кеңештин КСДП фракциясы тарабынан көрсөтүлгөн.
Шайлоо шаардык кеңештин имаратында саат 10.00дө башталат. Депутаттар жаңы шаар башчысын ачык добуш берүү аркылуу шайлашат.
БШК шайлоо бюллетенинде "талапкерге каршы" бөлүгү бар болгондуктан, бул шайлоону альтернативасыз деп айтууга болбой турганын белгилөөдө.
