БИШКЕК, 22-фев. — Sputnik. Мамлекеттик каттоо кызматынын (МКК) башчысы Тайырбек Сарпашев Түштүк Кореяга төрт күндүк иш сапары менен учуп кеткенин аталган мекеме билдирди.
МКК жетекчиси биометрикалык технологияларды пайдалануу жана маалымат технологияларына инвестиция тартуу боюнча бир катар жолугушууларды өткөрөрү айтылууда.
Иш сапардын алкагында Сарпашев KOICA (Korea International Cooperation Agency), Кореянын эксперт-импорттук банкынын жетекчилери, бир катар расмий өкүлдөр жана IT-технология жаатындагы алдыңкы компания башчылары менен жолугушмакчы.
