БИШКЕК, 11-фев. — Sputnik. Күндүн кескин сууктап кеткендигинен улам, "Түндүк электр" мамлекеттик ишканасынын ыкчам-диспетчердик кызматы күчөтүлгөн тартипте иштөөгө өттү. Бул туурасында аталган ишкананын маалымат кызматы билдирди.
"Калың түшкөн кар, жамгыр аралашкан шамал энергетиктердин ишин татаалдантат. Мындай учурда жабышкан суу кардан улам, электр зымдарына күч келип, үзүлүп кетиши мүмкүн", — деп билдирген маалымат кызматы.
Бишкек шаарынын жана Чүй, Талас облустарынын аймактарындагы электр тармактарынын ыкчам иштөөчү бригадаларынын кошумча күзөтүүлөрү каралууда.
