БИШКЕК, 8-фев. — Sputnik. Кыргызстан Евразия экономикалык биримдигиние мүчө болгондон бери кыйыр салыктан 8,2 миллиард сом чогултканын Мамлекеттик салык кызматы билдирди.
Маалыматка ылайык, былтыркы жылы Салык кызматы 60 миллиард 930,6 миллион сом жыйнап, план 100,2 пайызга аткарылган. Мында 2014- жылга салыштырмалуу 18 миллиард 760 миллион сомго көп каражат чогулган.
"ЕАЭБдин алкагында 2015-жылдын 12-августунан тартып 31-декабрына чейин кыйыр салыктан 8,2 миллиард сом жыйналып, күтүлгөнгөндөн 50 миллион сомго көп чогулду", — деп билдирет мекеме.
Өткөн жылы салыктын көпчүлүгү негизги багыттардан чогултулган. Мындан тышкары, соода уюмдарынан — 14 пайыз, түстүү металлургиядан — 20 пайыз, байланыш тармагынан — 10 пайыз салык жайналган.
Салыктын кай бир бөлүгү өлкөнүн ЕАЭБке кириши менен Мамлекеттик бажы кызматынан түшкөн.
