БИШКЕК, 8-фев. — Sputnik. Белгилүү актер Жеки Чандын катышуусу менен тартылып жаткан тасманы Лондон шаарынын тургундары 2005-жылдагы терактынын кайталанышы катары кабыл алышканын Ассошиэйтед Пресс агенттигине таянуу менен РИА Новости жазып чыкты.
Маалыматка ылайык, аялдамадагы жардыруу Жеки Чан менен Пирс Броснандын катышуусу менен The Foreigner (Чет элдик) тасмасын тартып жатканда болгон.
Шаардыктар тасма тартылып жаткандыгы тууралуу эрте маалыматтын берилбегенине нааразы болушууда. Жардыруу айрым лондондуктардын эсине 2005-жылдын 7-июлунда болгон терактыны салган. Анда согушкерлер үч поезд менен бир автобусту жардырып жиберишкен. Мындан 52 киши көз жумуп, 700гө чукулу жарадар болгон.
