Ошто салаттан 6 адам ууланып, бир ымыркай чарчап калды

© Sputnik / Александр Кряжев / Медиабанкка өтүүТез жардам автоунаасы. Архив
Тез жардам автоунаасы. Архив - Sputnik Кыргызстан
Жазылуу
Тургундар тамак-ашка үй шартында консервацияланган салат жегени анык болду. Тийиштүү жардамдар көрсөтүлгөнүнө карабай реанимациялык бөлүмдө жаткан 1,4 жаштагы наристе чарчап калган.

БИШКЕК, 3-фев. — Sputnik. Ош шаарында азык-түлүктөн алты адам ууланып, анын ичиндеги 1,4 жаштагы наристе чарчап калды. Бул тууралуу Саламаттык сактоо министрлиги билдирди.

Оорулуу процедура учурунда. Архив - Sputnik Кыргызстан
Айыкпас ала оорусунан сакайган Айжандын окуясы
Маалыматка ылайык, тургундар тамак-ашка үй шартында консервацияланган азык-түлүктөрдү — бадыраң, помидор, сабиз, пиязды пайдаланган. Ууланган адамдар үстүбүздөгү жылдын 31-январында ооруканага кайрылышкан, алардын арасындагы наристе оор абалда дароо реанимациялык бөлүмгө жаткырылган.

Бардык жабыркагандарга дозинтаксикациялык жана симптоматикалык дарылоо жүргүзүлгөн, бирок жардамга карабастан, ымыркайдын жүрөгү токтоп калган.

Ош шаарынын оорулардын алдын алуу жана санитардык-эпидемиологиялык көзөмөл борбору уулануунун себептерин аныктоо үчүн териштирүү баштады.

Жаңылыктар түрмөгү
0