БИШКЕК, 3-фев. — Sputnik. Ош шаарында азык-түлүктөн алты адам ууланып, анын ичиндеги 1,4 жаштагы наристе чарчап калды. Бул тууралуу Саламаттык сактоо министрлиги билдирди.
Маалыматка ылайык, тургундар тамак-ашка үй шартында консервацияланган азык-түлүктөрдү — бадыраң, помидор, сабиз, пиязды пайдаланган. Ууланган адамдар үстүбүздөгү жылдын 31-январында ооруканага кайрылышкан, алардын арасындагы наристе оор абалда дароо реанимациялык бөлүмгө жаткырылган.
Бардык жабыркагандарга дозинтаксикациялык жана симптоматикалык дарылоо жүргүзүлгөн, бирок жардамга карабастан, ымыркайдын жүрөгү токтоп калган.
Ош шаарынын оорулардын алдын алуу жана санитардык-эпидемиологиялык көзөмөл борбору уулануунун себептерин аныктоо үчүн териштирүү баштады.
