БИШКЕК, 2-фев. — Sputnik. Ошто ири өлчөмдө салык төлөөдөн баш тартып келген "Орекс плюс" ишканасына айып пул чегерилди. Бул тууралуу Финансы полициясы билдирди.
Аталган кызматтын Ош шаары жана Ош облусу боюнча башкармалыгынын кызматкерлери аталган ишкана салыктык отчетторду жашырганын аныктаган. Салыктык текшерүүлөрдүн жыйынтыгында ишканага 2 миллион 512 миң сом айып чегерилди.
Бул боюнча аталган ишканага кылмыш кодексинин 213-беренесинин негизинде кылмыш иши козголуп, иликтөө иштери жүргүзүлүп жатат.
