БИШКЕК, 27-янв. — Sputnik. Жаза аткаруу мамлекеттик комитетинин №47 түзөтүү колониясындагы 6-кесиптик окуу жайында жаза өтөп жаткан 55 жаранды курстан өткөнүн аталган мекеме билдирди.
Училище өткөн жылдын сентябрь айында эркинен ажыратылган 55 жаранды окууга кабыл алып, беш айдын ичинде тигүүчү, сварщик, слесарь, электромонтерду даярдап чыкты.
Окууга жалпы жонунан 60 жаран тартылган. Төрт кесип боюнча окутулган курстун жыйынтыгы менен 55 жаран экзаменге киргизилди.
ЖАМК эркинен ажырап жаза өтөп жаткан жарандар атайын курстан өтүп, бир кесипке ээ болуп колонияда жана андан чыккандан кийин иш менен камсыз болушуна шарт түзөрүн белгилейт.
