Жоокерди ур-токмокко алган офицер бир айга камакка алынды

© Sputnik / Михаил Фомичев / Медиабанкка өтүүАбак кызматкери камеранын эшигин бекитип жатат. Архив
Абак кызматкери камеранын эшигин бекитип жатат. Архив - Sputnik Кыргызстан
Жазылуу
НовостиTelegram
Тепкиге алынган жоокер Мамарасул Абытбек уулу учурда ооруканада жатат. Анын түшүнүк катынан офицер аны эс-учунан тангыча өтүгү менен башка койгулап сабаганы белгилүү болгон.

БИШКЕК, 27-янв. — Sputnik. Сот УКМКнын аскер бөлүгүндөгү жоокерди сабоого шектелип жаткан капитан Нурлан Аралбаевди бир айга камакка алуу чечимин кабыл алды. Бул тууралуу Sputnik Кыргызстан агенттигине Башкы прокуратурадан билдиришти.

Ал Бишкек гарнизонунун гаупвахтасына алынган.

Дүйшөмбү күнү Республикалык жоокер энелеринин комитети Марарасул Абытбек уулу УКМКнын №64479 аскер бөлүгүнүн офицери тарабынан эс-учунан тангыча сабалганын айтып чыгышкан. Окуя 21-январга караган түнү болгон.

"Аралбаев Бишкек гарнизонунун гаупвахтасына камакка алынды. Бир суткадан кийин аскер прокуратурасынын тергөөчүсү офицерди бир айга камакка алууну сунуштады. Аскер соту бул сунушту канааттандырды", — деп айтылат билдирүүдө.

Жабырлануучу учурда аскердик госпиталда дарыланып жатат. Анын дене-бою көгала болуп, баш жана ич жагында шишиктер бар экени аныкталган. Дарыгерлер анын баш мээсинин чайкалганын айтышууда.

Бул боюнча Кылмыш жаза кодексинин 305-беренсинин 2-бөлүгүнүн (Кызмат абалынан күч колдонуу менен пайдалануу) негизинде кылмыш иши козголгон.

Жаңылыктар түрмөгү
0