Өткөн кылымдын 90-жылдарында Сибирден Кыргызстанга саякаттап келген Татьяна Макарова бир көрүп эле Бишкек шаарын жактырып, ушул жакта калууну чечет.
"Ажайып кооз табияты мени арбап алды. Эли да меймандос, берешен, аба-ырайы абдан жагымдуу", — дейт Макарова алгачкы келгендегисин эстеп.
Бир айдан кийин ал мектепке мугалим болуп орношот. Жергиликтүү тургундардын жашоо-тиричилиги, байыркы тарыхы ушунчалык бүйүрүн кызыткандыктан, Макарова өз алдынча окуп изилдей баштайт. Андан соң Кыргызстандын тарыхын окутуудагы методиканы иштеп чыгып, алгачкылардан болуп бул сабакты мектеп программасына киргизет.
"Кыргыздардын тарыхы абдан кызыктуу экен. Байыркы доордон баштап ушу кезге чейинки тарыхын окуп чыктым", — дейт мугалим.
Аталган жайга акчалуулардын балдары гана эмес, аз камсыз болгон үй-бүлөлөрдүн балдарына да тарбия берүүгө ниеттенип, Маевка айыл өкмөтү менен байланышып, жогоруда айтылган категорияга кирген наристелердин тизмесин алат.
Макарова мындан тышкары балдар үйлөрү менен иштешип, аларга жардам берип келет. Кыргызстандын жарандыгын алган россиялык Макарова бул тоолорду эч нерсеге алмаштырбай турганын, демек Кыргызстандан эч жакка кетпей турганын так кесе белгилейт.
