БИШКЕК, 21-янв. — Sputnik. АКШда өтүп жаткан эл аралык "Сандэнс" финовестивалына тандалып алынган кыргызстандык режиссердун "Сейде" тасмасы төрт кинотеатрда көрсөтүлө турганы фестивалдын сайтында жарыяланган.
Маалыматка ылайык, фестиваль бүгүн Юта штатындагы Парк-Сити шаарында башталды. Кыргызстандык режисеер Элнура Осмоналиевага таандык тасма 23-январь күнү Redstone Cinema 1 кинотеатрында тартууланса, 24-январь күнү Prospector Square Theatre театрында эл сынына коюлат.
"Сейде" аталган эл аралык иш-чаранын сынагына катышып жаткан экинчи кыргызстандык тасма. 1999-жылы режиссер Актан Арым Кубаттын "Бешкемпир" тасмасы фестивалдын толук метраждуу фильмдеринин конкурсуна катышкан.
14 мүнөткө созулган кыска метраждуу тасма алыска айылда жашаган Сейде аттуу кыз менен анын жакшы көргөн аты туурасындагы окуяны баяндайт.
Фестиваль 31-январда соңуна чыгат.
