БИШКЕК, 20-янв. — Sputnik. Бүгүн Бишкек шаарында күн 5 градуска чейин жылый турганын Кыргызгидромет билдирди.
Маалыматка ылайык, борбор калаага бүгүн кар жаабайт, туман түшүшү мүмкүн. Жолдор тоңголок, тайгак болот. Түндүк-батыштан соккон шамалдын ылдамдыгы секундуна 2-7 метрге чейин жетет.
Ош шаарында да аба ырайы жылуу болот. Күн 6 градуска чейин жылыйт.
Ал эми жалпы өлкө аймагында дээрлик кар жаабайт. Болгону Ысык-Көл облусунун чыгыш тарабында бир аз кар жаашы мүмкүн. Чүй, Талас, Ош, Жалал-Абад, Баткен облустарынын айрым жерлеринде туман түшөт. Жолдор тоңголок, тайгак болот. Түндүк-батыштан соккон шамалдын ылдамдыгы секундасына 2-7 метрден, Ысык-Көл өрөөнүндө 15-20 метрге жетет.
