Азия чемпионатына Кыргызстандын атынан 16 футзалчы катышат

© пресс-служба ФФФКРКыргызстандын футзал боюнча курама командасынын оюнчулары. Архив
Кыргызстандын футзал боюнча курама командасынын оюнчулары. Архив - Sputnik Кыргызстан
Жазылуу
Өзбекстанга учар алдында кыргызстандык команда Москвада машыгат. Үч дарбазачыны кошкондо жалпы жонунан 16 футзалчы москвалык атаандаштар менен жолдоштук эки оюн өткөрөт.

БИШКЕК, 19-янв. — Sputnik. Кыргызстандын футзал боюнча улуттук командасынын башкы машыктыруучусу Андрей Полховский Азия чемпионатына 16 оюнчу даярдана турганын билдирди. 

Кыргызстандын футзал боюнча курама командасы 23-январь күнү Москвага жөнөп, ал жерден 6-февралга чейин машыгат.

Футбол боюнча КРдин жаштар курама командасы Ынтымак кубогунда белорустарды утту
Москвада кыргызстандык команда россиялык эки команда менен жолдоштук оюн өткөрөт. 6-февралда турнир өтө турган Ташкент шаарына сапар алып, мелдештин башталышына чейин Кытай Тайбей шаарынын командасы менен жолдоштук матчта беттешмекчи.

Азия чемпионаты 10-21-февраль күндөрү Өзбекстандын борбору Ташкент шаарында өтөт. Кыргызстандын командасы "А" тайпасында Ливан, Сауд Аравиясы жана Өзбекстандын футзалчылары менен күч сынашат.

Жаңылыктар түрмөгү
0