БИШКЕК, 18-янв. — Sputnik. Бүгүн борбор калаада күн беш градуска чейин суук болуп, кар жаайт. Бул тууралуу Кыргызгидромет билдирди.
Маалыматка ылайык, Бишкекте түнкүсүн сегиз, күндүз беш градуска чейин суук болот. Батыштан соккон шамалдын ылдамдыгы секундуна 4-9 метрге жетет.
Түштүк борбор калаа Ош шаарында күндүз 2 градуска чейин жылуу болот.
Ал эми өлкө аймагында түнкүсүн көпчүлүк аймактарда, күндүз кээ бир райондордо кар жаайт. Тоолуу аймактардын автожолдорунда кар күрткү пайда болуп, жолдор тоңуп, тайгак болот. Батыштан соккон шамалдын ылдамдыгы секундасына 4-9 метрге, Ысык-Көл аймагында 19-24 метрге чейин жетет.
