Жогорку Кеңеш энелердин педофилдерди жазалоо боюнча өтүнүчүнө жооп берди

© Sputnik / Табылды КадырбековЖогорку Кеңештеги депутаттар. Архив
Жогорку Кеңештеги депутаттар. Архив - Sputnik Кыргызстан
Жазылуу
Депутаттар балдарга карата зордук-зомбулук жасагандар үчүн энелер сунуштап жаткан чаралардын баарын эске ала турганын айтышты.

БИШКЕК, 14-янв. — Sputnik. Жогорку Кеңеш жаш энелердин педофилдер менен бала өлтүргөн жарандарга жазаны күчөтүү боюнча өтүнүчүнө жооп кайтарганын "Молодые мамочки KG" интернте-коомчулугунан билдиришти.

Уктап жаткан өспүрүм бала. Архив - Sputnik Кыргызстан
Кыргызстанда өгөй ата органга сатып жиберген балдар аман калды
Буга чейин аталган коомчулук президент Алмазбек Атамбаевге, өкмөт мүчөлөрүнө жана Жогорку Кеңешке кат жолдогон. 

Анда энелер негизинен педофилия, балдарды өлтүргөн мыкаачыларды мөөнөтүнөн мурда эркиндикке чыгуу мүмкүнчүлүгүнөн ажыратып, өмүрүнүн акырына түрмөдө кармоону сунушташууда. Мындан тышкары, кайрылууда балдарга карата сексуалдык зордук-зомбулук жасагандарга карата бычууну пайдалануу керектиги айтылат.

Парламенттин укук тартиби жана кылмыштуулукка каршы күрөшүү комитетинин жетекчиси Жаныбек Бакчиевдин колу коюлган жооп катта Кылмыш кодексинин жаңы редакциясынын долбоорунда айтылган сунуштардын баары эске алынары айтылган.

Жаңылыктар түрмөгү
0