Бишкек, 13 – янв. Sputnik. Кыргызстанда чет элдик элчиликтердин кооз имараттарын көрүүгө болот. Алардын айрымдары Бишкектин борбордук көчөлөрүнөн орун алса, бир катары шаардын мээлүүн абалуу аймактарында жайгашкан.
Ал эми Кыргызстандын чет элдеги элчиликтеринин имараттары кандай экенин көпчүлүк биле бербесе керек. Буга ылайык Sputnik Кыргызстан бир нече өлкөлөрдөгү элчиликтердин сүрөттөрүн тартуулоону туура көрдү.
Россиядагы кыргыз элчилиги Москва шаарында жайгашкан. Элчилик саясаттан сырткары мигранттардын укуктук маселелерин чечип келет. Муктаждык жаралса, элчиликке Москва шаарынын Ордынка көчөсүндөгү 64-үйгө кайрылсаңыздар болот. Байланышуу үчүн 00-7- 499951-60-62 номерине чалып же info@kyrgyzembassy.ru электрондук дарегине кат жөнөтүңүз.
Кыргызстандын АКШ менен Канададагы элчилиги Колумбия аймагындагы тоолуу Массачусетс штатында жайгашкан. Учурдагы ыйгарым укуктуу элчиси Кадыр Токтогулов. Элчиликке Массачусетс 2360 дареги аркылуу кайрылса болот. Почта индекси 20008. Байланышуу үчүн 001-202 449-92-22/001-202 449-9223 номуруна чалып же kgembassyusa@gmail.com электрондук дарегине кат жазсаңыздар болот.
Казакстандын мурдагы борбору Алма-Ата шаарында Кыргызстандын Башкы консулдугу жайгашкан. Бишкек менен Алматынын аралыгы 233,9 км. же 3 саат 31 мүнөттү түзөт. Эгерден кыйынчылыктар жаралып калса Консулдук жайгашкан Луганская көчөсү 30 "А" дарегине кайрылсаңыздар болот. Тез аранын ичинде байланышуу керектелсе анда 00-7-7272-64-22-12, 91-66-10 номерлерине чалыңыз. Ал эми almaty@consulkg.kz электрондук дарегине кат жөнөтсөңүз болот.
Кыргызстандын ири өнөктөштөрүнүн бири болгон Түркияда Кыргызстандын элчилиги Анкара шаарында жайгашкан. Ыйгарым укуктуу элчиси Ибрагим Жунусов. Туризм мыкты өнүккөн Түркияга эс алганы же иштегени барып калсаңыз, элчиликке кирип керектүү маалыматтарга ээ болуп алганыңыз жакшы. Ал үчүн Гүнеш бульвары 15. Йылдыз/Оран көчөсү 21 дарегине кайрылыңыз. Байланышуу үчүн (+90-312) 491-35-06 (07) номерине чалып же info@kgembassy.org.tr электорндук дарегине кат жөнөтүңүз.
Анкарадан беш жарым сааттык алыстыкта жайгашкан Стамбулда дагы Кыргызстандын башкы консулдугу жайгашкан. Дареги Ламартин көчөсү 7, Таксим аянтчасы. Байланышуу үчүн (+90-212) 235-67-67 номурун терсе болот. Интернет аркылуу кат жөнөтүү үчүн genkon@tr.net дарегин жазыңыз.
"Эки мечиттин өлкөсү" аталган (Медина менен Мекка) Сауд Аравия Королдугундагы кыргыз элчилиги Эр-Рияд шаары, Фахад Падыша атындагы аймакта, Мухаммед Хамид Аль Фикки көчөсүндөгү 32-үйдө жайгашкан. Почта кутучасы 75871. Байланышуу үчүн 00-966-1-229-3273/00-966-1-229-3272 номурларына чалса болот. Электрондук дареги info@kyrgyzembarabia.kg.
Түндүк батыш жагынан Ирак жана түштүгүнөн Сауд Аравиясы менен чектешкен Кувейт Республикасындагы кыргыз элчилиги Эл-Кувейттин Сурра районундагы 6-блок, 13-к., 34-виллада жайгашкан. Байланыш номери +965-25359957, электрондук дареги kyrgyzembkw@gmail.com.
Индиянын борбору Нью-Делиде Кыргызстандын элчилиги 110057, А 10/11 Васант Вихар дарегинде жайгашкан. Байланыш номерлери (00-9111) 2614-9582, 2614-8019, электрондук дареги kgzembind@gmail.com.
Бишкектен 1033 км. алыстыкта жайгашкан Тажикстандын борбору Дүйшөмбүдө кыргыз элчилиги жайгашкан. Зарылчылык жаралса, Соид-Носир көчөсү., 56 а дареги боюнча таба аласыздар. Байланышуу үчүн (00-992-37) 224-26-11, (00-992-41) 100-00-56 номурларын терүүгө болот. Электрондук дареги info@kgembassy.tj.
Афганистан Ислам Республикасында дагы Кыргызстандын элчилиги бар. Элчилик өлкөнүн борбору Кабулда жайгашкан. Дареги: 4-көчө, 159-корпус, "AYINA ТВ " телекомпаниясынын жанында. Байланыш номерлери (+93-20) 221-19-76, 221-19-75, 221-19-77. Электрондук дареги: krembkabul@gmail.com
Кыргызстандын Пакистандагы элчилиги Исламабадда жайгашкан. Дареги: 163 үй, 36-көчө, F-10/1 сектору, 44000. Байланыш номери 00-92-51 221-21-96. Электрондук дареги: mail@kyrgyzembassy.com.pk
Белорусиядагы элчилик Минск шаарында жайгашкан. Так дареги 57- үй, Старовиленская көчөсү. Байланыш номери (00-375-17) 334-91-17. manas@nsys.by электрондук дарегине кат жөнөтсө болот.
Элчилик — бул өлкөлөр арасында дипломаттык мамилени бекемдөөчү жогорку деңгээлдеги орган.
Дипломатиялык мамилелердин Веналык конвенциясы 1961-жылдын 18-апрелинде Венада БУУнун дипломатиялык иммунитети жана мамилелери каралып жатканда кабыл алынган. Конвенция 1964-жылдын 24-апрелинде күчүнө кирген.
Вена конвенциясы – бул эл аралык келишимдердин анык шарттарын, аларды түзүү, колдонуу, өзгөртүү жана толуктоо тартибин аныктайт.
Сүрөттөр Тышкы иштер министрлигинин маалымат кызматынан алынды.
