БИШКЕК, 7-янв. — Sputnik. Президент Алмазбек Атамбаев өлкөнүн Мамлекеттик кадрлар кызматынан директору Сооронбай Жээнбековду кабыл алып, калкка сапаттуу кызмат көрсөтүүнү так ишке ашыруу үчүн тийиштүү органдардын ишмердигинин натыйжалуулугун жогорулатуу керектигин айтты. Бул тууралуу өлкө башчынын маалымат кызматы билдирди.
Жээнбеков Кыргызстанда кезектеги декларациялык өнөктүк башталгандыгы, анын жыйынтыгы боюнча биринчи жолу мамлекеттик кызматкерлердин кирешелери гана эмес, чыгашалары тууралуу дагы маалыматтар чогултулаары туурасында айтып берди.
Ошондой эле, мамлекет башчысына ведомствонун учурдагы ишмердиги жана мамлекеттик кызматты жана муниципалдык кызматты башкаруу системасын өркүндөтүү боюнча пландар туурасында маалымат берилди.
