БИШКЕК, 5-янв. – Sputnik. Жаңы жылдын алгачкы иш күнүндө Улуттук банк 9,1 миллион доллар сатканын өз сайтына жарыялады.
Өткөн жылы башкы финансылык мекеме валюта курсун турукташтыруу үчүн 331 миллион доллар сатууга жетишкен. Акыркы ирет банк интервенцияга 31-декабрь күнү чыгып, 6,5 миллион доллар саткан.
Дүйшөмбү күнү 9,1 миллион доллар сатыкка чыгарылды. Буга эл аралык валюта резерви колдонулууда. Өткөн жылдын ноябрь айына карата резервде 1 миллиард 737 миллион доллар бар экени белгилүү болгон.
Учурда доллардын расмий курсу — 75,87 сом болууда.
