БИШКЕК, 3 — янв. — Sputnik. Келечектин максаттарынын бири – Кытайдан ишканаларды Кыргызстанга тартуу деп билдирди Эрлан Абдылдаев.
Анын айтымында, Евразиялык интеграциялык биримдиктин жана "Улуу Жибек Жолу" долбооорунун алкагында реэкспорттук экономикадан өнөр жай өндүрүшүнө өтүү керек.
"Бүгүн биз Кытайда төртүнчү-бешинчи муундагы ишканалар көптүк кылып жаткандыгын айтуудабыз. Аларды Кыргызстандын аймагына которууну жана өндүрүш кубатын өнүктүрүүнү караштырып жатабыз", — деди министр.
Анын айтымында, бүгүн башка өлкөлөр да кытайлык ишканаларды өздөрүнүн аймактарына алып кирип иштеткенге даяр турушат жана мындан Кыргызстан да четте калбашы керек.
