БИШКЕК, 30-дек. — Sputnik. Балыкчы шаарынын 321 милиция кызматкерине жаңы үйдүн ачкычы тапшырылды. Бул тууралуу ИИМ билдирди.
Маалыматка ылайык, кечээ 13 батирлүү үй менен бирге атайын дайындоодогу полктун кызматкерлери үчүн казарма эксплуатацияга берилип, салтанатка Коргоо кеңешинин катчысы Темир Жумакадыров менен ИИМ башчысы Мелис Турганбаев катышты.
Укук коргоо орган кызматкерлеринин социалдык абалын жакшыртуу мамлекеттин негизги максаттарынын бири экенин белгилеген Жумакадыров президент Алмазбек Атамбаевдин атынан спорт жабдууларын алуу үчүн 300 миң сомдук сертификат тапшырды.
Ага чейин Бишкектин 12-кичи районунда 44 батирлүү үй пайдаланууга берилген.
