БИШКЕК, 26-дек. — Sputnik. Түркиянын премьер-министри Ахмет Давутоглу Россиянын экономикалык санкцияларынан кийин туризм тармагын колдоо боюнча көрүлө турган аракеттерди айтып берди. Бул тууралуу РИА Новости кабарлайт.
Буга чейин Россия Түркияга болгон туристтик жолдомолордун сатылышына жана чартер каттамдарына тыюу салынган. Мындай кадамдар Түркия тарабынан россиялык Су-24 учагынын атып түшүрүлүшүнөн кийин жасалууда.
Өкмөт башчынын айтымында, эки өлкөнүн мамилеси Түркиянын туризм тармагына терс таасир тийгизбеши керек.
"Жыл башынан бери КМШнын сегиз мамлекети менен иштеген компанияларга колдоо көрсөтүп, салык жана насыя алуу жаатында жеңилдиктерди камсыздап келгенбиз. Бүгүн биз бул тизмени кеңейтип, кучагыбызга 27 өлкөнү тарттык. Мындан тышкары, ар бир чартер каттамы үчүн 6 миң доллар төлөп келгенбиз. Рыноктун төмөндөп кетпеши үчүн бул аракет апрель-май айларында бардык мамлекеттерге жайылтылат", — деди Давутоглу Стамбулдагы реклама компаниясынын ачылыш салтанатында.
Жыл башынан бери Түркияга Германиядан көп турист келген. Ал эми 2014-жылы Россиядан баргандардын саны 4,38 миллионду түзгөн.
