БИШКЕК, 25-дек. — Sputnik. Эгер Түркия Ирактын аймагынан өзүнүн аскер күчтөрүн алып чыгып кетпесе Багдад мыйзамдуу түрдө бардык аракеттерин көрөт. Мындай билдирүүнү бейшемби күнү Араб мамлекеттери лигасынын чукул жыйында Ирактын тышкы иштер министри Ибрагим аль-Жафари билдирди.
"Азырынча биз коркуткан жокпуз. Эгер биздин коопсуздугубузга жана бүтүндүгүбүзгө коркунуч туула турган болсо, бул баскынчылык аракетке жооп кылып бардык мыйзамдуу чараларды көрөбүз",— деди министр.
Араб мамлекеттери лигасынын тышкы иштер министрлери Каирде бейшемби күнү чукул жыйынга чогулуп, түрк аскерлеринин Ирактын аймагында жүрүшүн талкуулашты. Чогулуштун соңунда түрк аскерлеринин Иракка киришин кескин сынга алып, Анкарадан аскерлерин токтоосуз чыгарып кетүүнү талап кылды.
