БИШКЕК, 24-дек. — Sputnik. Президент Алмазбек Атамбаев шаар мэри Кубанычбек Кулматовду кызматтан кетирбей турганын жыл жыйынтыгын чыгаруучу маалымат жыйында билдирди.
Анын айтымында, шаар башчысы калаадагы таштанды маселесин абдан жакшы чече алган.
"25 жылдан бери эч кимдин оюна келбеген нерсени ойлоп тапты. Ал кызматкерлерди киреше табуу үчүн таштанды үчүн күрөшө тургандай кылып койду", — деди президент.
Өлкө башчы сентябрь айында Бишкектеги таштанды Кулматовдун кызматтан кетишине негиз болушу мүмкүн экенин билдирген.
Атамбаев жыл соңу менен мэрдин иши боюнча шаар тургундары сурамжылана турганын белгиледи.
