БИШКЕК, 24-дек. — Sputnik. Мен террористтер менен педофилдер үчүн өлүм жазасын киргизмекмин, деди президент Алмазбек Атамбаев жыл жыйынтыгын чыгаруучу маалымат жыйында.
Ал Кыргызстандын эл аралык милдеттемелери бар экенин белгиледи.
"Химиялык бычууну сунуштап жатышат. А эмнеге механикалык эмес? Мен адамдын эс-көөнүнөн кеткис катуу чараларды көрмөкмүн", — деди Атамбаев.
Өлкө башчы кылган кылыгы үчүн педофилди таш бараңга алган жергиликтүү жашоочуларга ырайым бермек экенин айтты. Мыйзам бузуу экенине карабастан ушундай кадамга бармакмын, деди президент.
"Балким мен адам укугун одоно бузуп жаткандырмын… А баланын укугучу? Эгер биз өлүм жазасын киргизе албасак, механикалык бычууну киргизүү маселесин юристтер да карап көрөт. Эч жерде ээн-эркин жүрө албагыдай кылабыз", — деди ал.
Кыргызстанда Баш мыйзам менен өлүм жазасына тыюу салынган.
