БИШКЕК, 23-дек. — Sputnik. Шаршемби күнү эртең мененки саат сегизде Токтогул ГЭСинде экинчи агрегат авариялык түрдө өчүрүлгөнүн "Электр станциялары" ААКтын маалымат катчысы Тагжана Айдаралиева Sputnik агенттигине билдирди.
Анын айтымында, авариядан улам электр жарыгы өчүрүлгөн.
"Учурда окуя болгон жерде адистер иштеп, эмне себептен электр жарыгы өчкөнүн такташууда", — деди ал.
Айдаралиева билдиргендей, учурда ГЭС өз калыбында иштеп жатат. Колдонуучулар резервдик схема менен камсыздалууда. Авариянын себеби толук такталгандан кийин кошумча маалымат берилери кошумчаланды.
