БИШКЕК, 23-дек. — Sputnik. Бишкектин жаңы конуштарынын биринде жүргүнчүнү коюп, из жашырып кеткен айдоочу кармалганын шаардык ИИБ билдирди.
Маалыматка ылайык, үстүбүздөгү жылдын 7-декабрында 52 жаштагы айдоочу "Фольксваген –Гольф-3" үлгүсүндөгү унаа менен Дэн Сяопин көчөсү менен келе жатып 37 жаштагы жаранды коюп кеткен. Натыйжада ал ооруканага жаткырылган.
Учурда аталган факт боюнча экспертизалар дайындалып, унаа айып короого токтотулду. Жол кайгуул кызматынын тергөө бөлүмү тарабынан иликтөө иштери улантылууда.
