БИШКЕК, 22-дек. — Sputnik. Президент Алмазбек Атамбаев Россияга болгон иш сапарынын алкагында "Газпром" компаниясынын башкармалыгынын төрагасы Алексей Миллер менен жолукканын өлкө башчынын маалымат кызматы билдирди.
Президенттин иш сапары кечээ башталган. Ал Жамааттык кызматташуу келишим уюмунун жыйынына жана Евразиялык экономикалык кеңешке катышып, Россиянын президенти Владимир Путин менен эки тараптуу сүйлөшүүлөрдү жүргүздү.
Атамбаев менен Миллердин жолугушуусунда Кыргызстанды газ менен камсыздоо системасын өнүктүрүү боюнча компаниянын ишмердүүлүгү талкууланып, өлкөнүн энергетика тармагына инвестиция тартуу маселелери каралды.
Ушуну менен өлкө башчынын Россияга болгон иш сапары соңуна чыкты. Атамбаев бүгүн Бишкекке учуп келет.
