БИШКЕК, 22-дек. — Sputnik. Ысык-Көлдүн Григорьевка айылында өзүнүн үйүнөн 59 жаштагы Нина Маханьконун жансыз денеси табылганын ӨКМ билдирди.
Маалыматка ылайык, милицияны Маханьконун үйүнө коңшулары чакырган. Укук коргоо органдары үй ээсинин күйгөн төшөктө жатканын, үстүңкү кийими дагы күйүп калганын көрүшкөн.
Өрттүн себебин аныктоо үчүн ӨКМнин өрт-куткаруу бөлүмүнүн кызматкерлери чакырылган. Алдын ала божомолдор боюнча кырсык тамеки тартуудагы этиятсыздык деп айтылууда.
