БИШКЕК, 20-дек. — Sputnik. Кыргызстандык мушкер Азат Үсөналиев бокс боюнча нефть чыккан өлкөлөрдүн Кубогунда экинчи орунду ээлегенин турнирдин расмий сайты жарыялады.
Фарман Салмановдун элесине арналган мелдеш Россиянын Ханты-Мансийск шаарында 18-20-декабрь күндөрү өтүп, ага 21 өлкөнүн спортчулары ат салышты.
Үсөналиев жарым финалда россиялык мушкер Артур Ложниковду жеңип, финалга чыккан. Ал жерде кыргызстандык спортчу молдовалык Александр Рыжкан менен беттешти.
Чемпиондук үчүн күч сынашкан Үсөналиев атаандашынан упай менен утулуп калды.
