БИШКЕК, 17-дек. — Sputnik. Нарын районунун уюшулганынын 85 жылдыгы белгиленгенин өкмөттүн аталган облустагы өкүлчүлүгү билдирди.
Салтанат Нарын райондук мамадминистрациянын алдында музейдин ачылышы менен башталып, райондо өндүрүлгөн айыл чарба продукцияларынын жармаңкеси өткөрүлдү. Андан соң облустук Муратбек Рыскулов атындагы академиялык музыкалуу драма театрында майрамдык иш чара менен уланды.
Нарын облусунун жетекчиси Аманбай Кайыпов маараке жеке эле райондун эмес, жалпы облустун жакшы саамалыгы экенин белгиледи.
Мааракенин алкагында эмгегинен өзгөчөлөнгөндөр Ардак грамоталары менен сыйланды.
Маалыматка ылайык, Жогорку Кеңештин депутаты Чыныбай Турсунбеков менен Алмаз Акматов, министрлик жана ведомстволордун өкүлдөрү, коомдук ишмерлер келишкен.
Иш чара облусттан чыккан белгилүү өнөр адамдарынын концерттик номерлери менен коштолду.
