БИШКЕК, 17-дек. — Sputnik. Дүйнөдө чоң маалыматтык согуш жүрүп жатат деп эсептейт РФтин президентинин маалымат катчысы Дмитрий Песков.
"Ал көптөн бери жүргүзүлүп жатат. Бул чоң оюн эмес, ал чоң маалыматтык согуш", — деди Песков "Россия 24" телеканалына берген маегинде.
Ал бул маалыматтык согушта айрым ЖМК "адамдык баалуулуктарын жоготуп, массалык маалымат каражаты катары өз функцияларын жоготууда" деп белгиледи.
"Биз маалыматтык согуштун бардык катышуучуларын көрүп жатабыз, биз объективдүү маалыматтык оппоненттерди көрүп жатабыз жана кандайдыр бир объективдүүлүгү жок оппоненттерди да көрүп жатабыз. Андыктан тийиштүү тыянактарды чыгаруудабыз", — деп кошумчалады Песков.
"Биздин өлкө акыркы убакта өзү да көп нерсени үйрөндү, кыязы, бул иште кандайдыр бир жогорку стандарттардын мыйзам чыгаруучусу болду деп ойлойм", — деп белгиледи маалымат катчысы.
"Мамлекеттик ЖМК бизде бар, алар абдан активдүү, алар эң жогорку деңгээлде иштеп жатышат, алар абдан кесипкөй. Алар катуу асылууларга туш болуп жатышат, аларды бардык нерселер үчүн күнөөлөп жатышат. Дал ушул катуу асылуулар биздин мамлекеттик ЖМКнын ишинин натыйжалуулугунун белгиси болуп эсептелет", — деп кошумчалады Песков.
"Ал ошондой эле жеке менчик массалык маалымат каражаттары жөнүндө да айтып берди. "Өз ишин ийгиликтүү аткарып жаткан зор сандагы менчик жана корпоративдик ЖМКлар бар. Жалпысынан деги эле Россиядагы бул сектор жогорку кесипкөйлүк деңгээлде турат", — деди Песков.
