БИШКЕК, 14-дек. — Sputnik. Бүгүн борбор калаада сот реформасынын айрым маселелерин талкуулаган тегерек стол өтөт. Бул туурасында Жогорку Кеңештин маалымат кызматы билдирди.
Талкууну ЖКнын Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин Регламенти боюнча комитети демилгелеп, уюштурду.
Буга чейин президент Алмазбек Атамбаев өлкөдө жүрүп жаткан сот реформасына, соттордун тандоо кеңешинин жана Конституциялык палатанын ишине ыраазы эместигин билдирген.
